ملتقي النيلين
مرحبــا بك في منتديات ملتقي النيليـن
سعداء بعودتك وستزيد سعادتنا بتسجيلك


ملتقي النيلين

مرحـبا بـك يـازائر في منتديات مـلـتقي النـيلين
 
الرئيسيةالبوابةمكتبة الصورس .و .جبحـثالتسجيلدخول

شاطر | 
 

 لمَــــــــــــــــــــــــــــــــــــا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
r@mi

Admin
Admin


ذكر
الاسد النمر
عدد الرسائل : 53
العمر : 30
جنسيتك :
تاريخ التسجيل : 14/11/2008
  :

مُساهمةموضوع: لمَــــــــــــــــــــــــــــــــــــا   الإثنين نوفمبر 17, 2008 6:43 pm

السلام عليكم ورحمه الله وبركاته



لما
اكتب ليك رسالة
وانت تتأمل حروفها
بيها تعرف شوقنا ليك
وكيف قلوبنا عليك عطوفة
بيها تعرف معزة عيونك
ونحن ما لاقين نشوفها


لما
اشتقت ليك
كنت عارف
اني مليت المشاوير البتسحب من دماي
ووصلت للحظة البقرر فيها
انك فرحتي
ولا ميلاد لي شقاي
ورجعت لي قاموس
بعرفك
وسرحت في الزمن الوراي
لقيت ملامحك هي القدر
وانك مناي



لما
يدمن زول عيونك
يستحيل البعد عنك
ولما يشتاق لي عيونك
بلقي روحو وراحتو عندك
ماانت أصلك نور عيونو
وكل نور الدنيا منك



لما
يشع ضي عيونك

فوق مراسيك الحصينة

تزدهر بيك المحافل

لوحة بتجمل مدينة

يفيض نبض المشاعر

والأحاسيس الحنينة

تبقى انت الفرحة ذاتها

وسر خواطرنا الدفينة

تبقى انت الزاد معانا

لي مواسمنا الحزينة



لما
أشتاق لي عيونك

ما بيكون الشوق جريمة

ولما يسأل قلبي عنك بالحنان الفيهو ديمة

يبقى دا الوضع الطبيعي للمشاعر المستديمة


لما
نشتاق لي عيونك

والحنين جوانا يرعد
تبقى أجمل منية لينا

انو وجهك لينا يسعد
ننتظر ياغالي جيتك

وتبقى شوفتك أحلى موعد



لما
العيون تشتاق لي ناسها
انت أول خاطرة تبدر
ولما نفرح ولا نحزن
انت ديمة الياكا تخطر
ربي يحفظ لي وصالك
والمعزة البينا تكبر




_________________
الرجوع الى أعلى الصفحة اذهب الى الأسفل
http://moltgaalnilin.forum7.biz
r@mi

Admin
Admin


ذكر
الاسد النمر
عدد الرسائل : 53
العمر : 30
جنسيتك :
تاريخ التسجيل : 14/11/2008
  :

مُساهمةموضوع: رد: لمَــــــــــــــــــــــــــــــــــــا   الإثنين نوفمبر 17, 2008 6:47 pm

لما
تسكن في الدواخل
تبقى في كل المداخل
تبقى روحي
وتبقى نفسي
ويبقى حبك لي قاتل
تبقى بحري وتبقى شطي
وتبقى لي دنياي ساحل



لما
ترجع لينا انت

تصدح الأطيار سعيدة

ترجع الموجة القبيل

من الضفاف كانت بعيدة

تهجر الضفة السكون

تصبح الأحزان وحيدة

تعاود الغيمة الهطول

ترجع أيامنا السعيدة



لما الفرح الفينا معشعش يبقى مواسم صيف وتجافي

لما الكلمة الطيبة تسافر ترحل تسكن جوه منافي

لما الروح العشقت تحلم بي أحلام ما كانت خافي

لما الصدى يرجعلك تاني بي ألحان ما فيها قوافي

لما البسمة تشيل أحزانا وجوه الروح تلقالا مرافي

لما العشق الكامن فينا يطوي مداهو ويبقى مجافي

لما الليل الطول فينا يطول يمتد ويبقى خرافي

نلملم شوقنا ونرحل ليك
!


لما
الشوق يوج نيران

يولع يلهب الوجدان

نفتش نحن في الضل البضارينا

نلاقي الطيف وعن جد طيفكم بكفينا

ننادي الليل تعال يا ليل

عشان طيف العزاز يرجع يدفينا

نقول يا طيف طال الشوق

متين ترجع تعود لينا



لما
تبعدنا المسافة
وينقطع حبل الوصال
أسأل التذكار ملامحك
لو يجود بي صورة واضحة
ألقى رسمك في الدواخل
أقوى مما في الخيال



لما الناس تسيب الناس
وتبقى العشرة معدومة
ولما الطير يسيب عشه
يخلي صغاره محرومة
ولما الموج يجافي الموج
تروح الروح قبل يوما
برضي كمان بخلي الريدة
برحل من عينيك يوما
...



لماتعشق حقو تعرف كيف تكون لغة العيون

ولما توعد أبقى حقق وأنزع الشك والظنون

وأبقى مخلص للبجيك

وأوعى تتعلم تخون




لما الشوق كتر جواي ناديت عليك حتى الجبال نطقت حروف أسمك معاي ....
وبكيت عليك حتى السحاب زرف المطر علشان بكاي ........
حتى الشمس عند الصباح ما أشرقت حتى الطيور ما غردت والنيل وقف وأعلن حداد ..من شدت شوقي ليك




لما النجيمات ترتعش

بقرا في عيونك كلام

أمسح دموعي وابتسم

ما أحلى فيض الابتسام

وألقاك في عز الهجير

تحميني زي ضروة وغمام

نتحدّى حتى المستحيل

ونهد حدود الإنهزام



لما المشاوير تبتدي

وأيامنا يملاها الحنان

لما المحبة تسوق خطانا

وبالعبير تملا المكان


تبقى أحلامي الجميلة


وتبقى لي بهجة وأمان




لما العين تلاقي العين وتتأمل
تمرق الروح وتتسرب
وتدخل الروح في روح الروح وتتحكر
تحاول العين تشيل العين من العين ما تقدر
اتاري خلاص مصير العين اتحدد
تظل العين تنتظر العين عشان تتأمل


_________________
الرجوع الى أعلى الصفحة اذهب الى الأسفل
http://moltgaalnilin.forum7.biz
 
لمَــــــــــــــــــــــــــــــــــــا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقي النيلين :: قسم العلوم العامه والتكنولوجيا :: منتدي الهاتف النقال والاتصالات والاقمار الصناعيه-
انتقل الى: